Այսօր` օգոստոսի 23-ին, Հայաստանի անկախության հռչակագրի ընդունման 20-ամյակի կապակցությամբ ընդդիմադիր Հայ ազգային կոնգրեսի ներկայացուցիչներն ու ակտիվիստները հավաքվել են Սարյանի արձանի մոտ` նշելու տոնը:
Տոն-հանրահավաքին ներկա էին ՀԱԿ-ի գրեթե բոլոր ղեկավարները, բացառությամբ ՀԺԿ նախագահ Ստեփան Դեմիրճյանի եւ «Հանրապետություն» կուսակցության առաջնորդ Արամ Սարգսյանի։ Վերջինս գտնվում է արձակուրդում: Ներկա էր նաեւ ՀԱԿ-ի առաջնորդ, ՀՀ առաջին նախագահ Լեւոն Տեր-Պետրոսյանը:
Ներկաներին շնորհավորեցին եւ ելույթներ ունեցան ՀՀՇ վարչության նխագահ Արամ Մանուկյանը (նա 1990-ի օգոստոսի 23-ին Գերագույն խորհրդում կարդացել է Անկախության հռչակագիրը), Դավիթ Շահնազարյանը, ՀԱԿ համակարգող Լեւոն Զուրաբյանը, ազատամարտիկ Վարդան Մալխասյանը, դերասան Երվանդ Մանարյանը:
Արամ Մանուկյանն իր ելույթի ժամանակ ընթերցեց դեռեւս բանտերում գտնվող քաղբանտարկյալներին ուղղված իրենց շնորհավորական ուղերձը: Նա հայտարարեց, որ հասարակությանը հուզող բոլոր հարցերի պատասխանները կհնչեն սեպտեմբերի 17-ին նախատեսված ՀԱԿ-ի հանրահավաքի ժամանակ: Մինի-հանրահավաքի ավարտին Արամ Մանուկյանը հայտարարեց, որ իրենք քաղաքական զբոսանքի են դուրս գալիս: Լեւոն Տեր-Պետրոսյանի գլխավորությամբ, ՀԱԿ-ի ներկայացուցիչները շրջում էին այգում եւ զրուցում հետաքրքրված անցորդների հետ:
Լուսանկարը եո տեսանյութը` Գագիկ Շամշյանի