«Հայկական ժամանակ» թերթը զրուցել է Ազգային Ժողովի նախկին պատգամավոր, ազատամարտիկ Մյասնիկ Մալխասյանի հետ: Մեկնաբանելով Հայ ազգային կոնգրեսում ստեղծված մթնոլորտը՝ Մալխասյանը նշել է. «Անշուշտ նկատվում է, որ ժամանակ առ ժամանակ իշխանությունները փորձ են անում կոնգրեսին մաս կազմող ուժերից մաս պոկել եւ տպավորություն ստեղծել, թե կոնգրեսը ջլատվում է: Բնականաբար առանձին թուլակամ մարդիկ կան, որոնց գուցեեւ ժամանակին իշխանությունները ներդրել էին Կոնգրեսի կուսակցություններում եւ հիմա դուրս են բերում՝ պառակտման տպավորություն գործելու համար: Բայց Ժողովրդական խոսք կա՝ «Չկա չարիք, առանց բարիքի»: Կոնգրեսին պառակտելու փորձերը ժողովրդին ավելի են համախմբում կոնգրեսի շուրջ եւ ժողովրդի ակնկալիքները ավելի են մեծանում: Որովհետեւ բոլորը հասկանում են, թե իշխանություններն ինչ թույլ վիճակում են, որ Սուրեն Սուրենյանցով կամ Վահան Շիրխանյանով են փորձում ինչ-որ տպավորություն թողնել»,- նշել է Մալխասյանը եւ նկատել, որ իշխանությունների ջանքերը ապարդյուն են անցնելու:
