Հայաստանի հանրապետական կուսակցությունն առայժմ չի որոշել, թե ով է լինելու Երեւանի ավագանում խմբակցության նոր անդամը: Այդ մասին NEWS.am-ի թղթակցի հետ զրույցում հայտնեց ավագանում ՀՀԿ խմբակցության ղեկավար Դերենիկ Դումանյանը:
Նա նշեց, որ կուսակցությունում անգամ քննարկումներ չեն եղել այդ կապակցությամբ, սակայն ամեն ինչ կպարզվի մինչեւ Երեւանի ավագանու առաջին նիստը՝ սեպտեմբերի 14-ը:
Նշենք, որ ավագանու տեղը թափուր է մնացել հայտնի դերասան, Հայաստանի ժողովրդական արտիստ Վլադիմիր Մսրյանի մահից հետո:
Ըստ ՀՀԿ ընտրացուցակի՝ հաջորդը անկուսակցական, «Շինարարություն բարեկարգում» ԹԲԸ տնօրեն Արթուր Առստամյանն է, սակայն չի բացառվում, որ նա ինքնաբացարկ ներկայացնի: