Չինաստանի արեւելքում ավտոբուսն ընկել է կամրջից, ինչի հետեւանքով առնվազն յոթ մարդ է զոհվել ու ավելի քան 30-ը վիրավորվել, հայտնում են տեղական լրատվամիջոցները:
Նրանց տվյալներով, միջադեպը տեղի է ունեցել Անհոյ նահանգի Խոշան գավառում: Ավտոբուսը կամրջից գլորվել է ձորը, որի խորությունը գերազանցում էր 10 մետրը:
Պատահարի վայրում արված լուսանկարներից, որոնք տեղադրվել են համացանցում, երեւում է , որ ուժեղ վնասված ավտոբուսը ձորն է ընկել՝ շրջված վիճակում:
«Սիցզինբաո» թերթի տվյալներով, 37 ուղեւորի համար նախատեսված ավտոբուսը, ամենայն հավանականությամբ, զբոսաշրջիկների էր տեղափոխում: Շտապ օգնության բժիշկների խոսքով, տուժածների վիճակը ծայրաստիճան ծանր է:
