Անհրաժեշտ է ամրագրել աղբյուրները չբացահայտելու՝ լրագրողների իրավունքը։ Այդ մասին հոկտեմբերի 8-ին Հայաստանի խորհրդարանում հայտարարել է հանրապետության ՄԻՊ Կարեն Անդրեասյանը՝ հաշվետվություն ներկայացնելով 2014-ին մարդու իրավունքների մասին։

Համապատասխան դրույթը սահմանված է «Զանգվածային լրատվության միջոցների մասին» օրենքում, բայց ոչ քրեադատավարական օրենսգրքում։

Այդ կապակցությամբ օրենսդիր մարմնին առաջարկվում է լրացնել քր.դատ.օր-ի 86 հոդվածի 2-րդ մասը, որը սահմանափակում է հարցաքննվողների շրջանակը։

«Առաջարկվում է, որ որպես վկա չկարողանան ներգրավել եւ հարցաքննվել ԶԼՄ-ների կազմակերպիչներն ու լրագրողները իրենց տեղեկության աղբյուրների վերաբերյալ, եթե դրանց բացահայտման մասին որոշում չի կայացվել դատարանի կողմից»,- հայտարարել է Անդրեասյանը։ Նրա խոսքով, արդարադատության նախարարությունում հայտնել են, թե հարցը քննարկվում է օրենսգրքի նոր խմբագրման շրջանակներում։