![](img/news/29/04/20/default.jpg)
Տնտեսագիտության բնագավառում Նոբելի հիշատակի մրցանակը (1968թ. սահմանվել է Շվեդիայի պետական բանկի կողմից) շնորհվել է անգլոամերիկացի գիտնական Էնգուս Դիթոնին սպառողականության, աղքատության եւ բարեկեցության ոլորտի ուսումնասիրությունների համար։ Այս մասին հոկտեմբերի 12-ին Ստոկհոլմում հայտնել է Շվեդիայի գիտությունների թագավորական ակադեմիան։
Հատկանշական է, որ նախքան մրցանակակրի անունը հրապարակելը մամուլի հաղորդագրությունը սխալմամբ հայտնվել էր Նոբելյան մրցանակի պաշտոնական կայքում, փոխանցում է «ՌԻԱ Նովոստի»-ն։
Տնտեսագիտության, ինչպես եւ մյուս ոլորտներում Նոբելյան մրցանակի դափնեկրի դրամական պարգեւը 2015թ. կազմում է 8 մլն շվեդական կրոն (953 հազար դոլար)։