Twitter սոցիալական ցանցի չինական տարբերակում՝ Weibo-ում, Pepsi Phone անվանումով էջ է բացվել, որում թողարկման պատրաստվող Pepsi P1 սմարթֆոնի մասին տվյալներ են հրապարակվել: Այս մասին գրում է Phonearena կայքը:
Դրանց համաձայն, Pepsi-ի սմարթֆոնը 5.5 մատնաչափանոց Full HD էկրան ունի, 13 մեգապիքսելով հիմնական եւ 5 մեգապիքսելով դիմային տեսախցիկ: Pepsi P1-ը կաշխատի MediaTek MT6592 SoC ութ միջուկով պրոցեսորով եւ Android 5.1 օպերացիոն համակարգով: Սմարթֆոնը նաեւ 2 ԳԲ օպերատիվ եւ 16 ԳԲ ներկառուցված հիշողություն կունենա:
Ըստ Gazeta-ի, ենթադրվում է, որ հեռախոսը 205 դոլար կարժենա: Նախատեսվում է այն Չինաստանում թողարկել հոկտեմբերի 20-ին:
