Ամերիկայի հայ դատի հանձնախմբի ներկայացուցիչները շնորհակալություն են հայտնել Թեդ Լյուին ԱՄՆ ֆինանսների նախարար Ջեյքոբ Լյուին գրած նամակի համար, որում նա աջակցություն է հայտնել Հայաստանի եւ ԱՄՆ-ի միջեւ կրկնակի հարկումից խուսափելու մասին համաձայնագրին։
Կոնգրեսականը պաշտպանում է ընդունվելիք օրենքը, որն ուղղված է Հայաստանի եւ ԱՄՆ-ի միջեւ առեւտրի եւ ներդրումների զարգացման համար հիմնական խոչընդոտ համարվող կրկնակի հարկումը սահմանափակելուն, գրում է Asbarez թերթը։
Այս տարվա օգոստոսին Հայ դատի հանձնախմբի ներկայացուցիչները հանդիպում էին ունեցել ԱՄՆ ֆինանսների նախարար Ջեյքոբ Լյուի հետ կրկնակի հարկումից խուսափելու մասին համաձայնագրի քննարկման համար։ Երկու երկրների միջեւ գործող ներկայիս համաձայնագիրը հնացել է եւ իրավաբանական անորոշություն է ստեղծում, ինչը պոտենցիալ ամերիկացի ներդրողների համար խոչընդոտ է հանդիսանում։