Ֆրանսիան դեռ նման հարված չէր ստացել, դա նշանակում է, որ ահաբեկչությունը մեզ պատերազմ է հայտարարել նոր՝ սարսափելի մակարդակում։ Ֆրանսիայի պատասխանը պիտի համաչափ լինի։ Այդ մասին NEWS.am-ի թղթակցին հայտնել է «Ֆրանսիա-Ղարաբաղ» եւ «Ֆրանսիա-Հայաստան» բարեկամության խորհրդարանական խմբի նախագահներից Ռընե Ռուքենը։
«Ինչպես գիտեք, Ֆրանսիայում սուգ է հայտարարված։ Ես խոսքեր չունեմ արտահայտելու ինձ ողողած զգացմունքները։ Դրանք գազանների սարսափելի, բարբարոսական գործողություններ են, ոչ թե մարդկանց։ Ֆրանսիան դեռ նման հարված չէր ստացել, դա նշանակում է, որ ահաբեկչությունը մեզ պատերազմ է հայտարարել լրիվ նոր՝ սարսափելի մակարդակում։ Միակ բանը, որ հիմա կարող ենք անել, համերաշխ լինելն է։ Միասին լինելը։ Արդեն մի քանի ժամ։ Տարբեր երկրների նախագահները, պետությունների ղեկավարները ցավակցություն են հայտնում, աջակցում են մեզ։ Ես կարծում եմ, որ Ֆրանսիայի պատասխանը պիտի համաչափ լինի, որպեսզի նման բան այլեւս չկրկնվի», - ասել է նա։
