Ֆրանսիայում հունիսի 18-ին նախանշված Ազգային ժողովի ընտրությունների երկրորդ փուլում անվտանգությունը կապահովեն ավելի քան 50 հազար ոստիկաններ եւ շուրջ 7 հազար զինվորականներ: Այս մասին հաղորդում է BFM TV-ն՝ վկայակոչելով Ֆրանսիայի ՆԳՆ տվյալները:
Քվեարկությունն անցկացվելու է արտակարգ դրության ռեժիմի գործողության պայմաններում, որը երկրում սահմանվել է 2015 թվականի ահաբեկչական հարձակումներից հետո: Ընտրատեղամասերի առջեւ պարեկող ոստիկանները մետաղորսիչների օգնությամբ կստուգեն տեղամասեր մտնողներին:
ՏԱՍՍ-ի փոխանցմամբ՝ Փարիզում հասարակական կարգն ավելի քան 12 հազար ոսստիկան է պահպանում: