Երեւանի Ֆրանսիայի հրապարակում այսօր՝ ժամը 20։00-ից, մեկնարկել է մոմավառություն՝ ի հիշատակ Փարիզում տեղի ունեցած ահաբեկչության զոհերի:
NEWS.am–ի թղթակիցը հաղորդում է, որ մոմավառությանը մասնակցում են մեծ թվով քաղաքացիներ, բարձրաստիճան պաշտոնյաներ։ (ֆոտոռեպորտաժ)
Նախագահ Սերժ Սարգսյանը կարմիր վարդեր դրեց Օգյուսոտ Ռոդենի հեղինակած արձանի մոտ եւ խոնարհվեց զոհերի հիշատակի առջեւ:
Մոմավառության մասնակիցները իրենց հետ բերել են «Մեր աղոթքները, սիրտն ու հոգին Ֆրանսիայի ժողովրդի հետ են», «Աղոթում ենք Փարիզի համար» «Vive la France», «Stop Terrorism» գրությամբ պաստառներ:
Հիշեցնենք, որ Երեւանի սրտում գտնվող հրապարակը պաշտոնապես Ֆրանսիայի հրապարակ անվանակոչվեց 2006թ. Ֆրանսիայի նախկին նախագահ Ժակ Շիրակի Հայաստան այցի ընթացքում, 5 տարի անց՝ 2001թ. Ֆրանսիայի նախկին նախագահ Նիկոլա Սարկոզիի Հայաստան այցի ժամանակ այնտեղ տեղադրվեղ աշխարհահռչակ Օգյուստ Ռոդենի հեղինակած Ժյուլ Բաստիեն–Լըպաժի քանդակին։
Հիշեցնենք, որ նոյեմբերի 13-ի ուշ երեկոյան Փարիզում ահաբեկչության շարքի հետեւանքով պաշտոնական տվյալներով, մահացել է առնվազն 128 մարդ: Լրատվամիջոցները հայտնում են 150-ից ավելի զոհերի մասին: Փարիզի ոստիկանությունը տեղեկություններ ունի 8 ահաբեկչի մասին, որոնք մահացել են: Նրանցից 7-ը իրենց պայթեցրել են «շահիդի գոտիով», հայտնել է քննությանը մոտ կանգնած աղբյուրը:
Ֆրանսիայի ողջ տարածքում արտակարգ դրություն է հայտարարվել: