Ռուսական երկաթուղիների եւ Իրանի միջեւ պայմանագրի արժեքը գնահատվում է 1.2 մլրդ եվրո։ Պայմանագիրը ստորագրվել է ՌԴ նախագահ Վլադիմիր Պուտինի՝ Թեհրան կատարած այցի ժամանակ։ Նախագիծը կֆինանսավորվի Ռուսաստանի պետական արտահանման վարկի միջոցների հաշվին, ասված է Ռուսական երկաթուղիների հաղորդագրության մեջ, փոխանցում է «Կոմերսանտ»-ը։
Նախագիծը նախատեսում է էլեկտրաֆիկացնել Գարմսար-Ինչե Բուրուն երկաթուղային գիծը, որը ձգվում է 495 կմ, որից 203 կմ-ը՝ լեռնային տեղանքով։ Աշխատանքների ժամանակ կէլեկտրաֆիկացվի 32 կայան եւ 95 թունել, կկառուցվի 7 քարշակ կայան, կոնտակտային ցանցի 6 հերթապահ կետ եւ էլեկտրամատակարարման ուղեմասի շենք։