Իշխան ձկան բուծման ու արտահանման ծրագիրը մինչեւ 4 հազար աշխատատեղ կստեղծի: Այդ մասին նոյեմբերի 28-ին լրագրողներին հայտնել է «Սեւանի իշխան» ՓԲԸ գլխավոր տնօրեն Էդվարդ Գեւորգյանը: Այսօր Կարճաղբյուր գյուղում ձկների բուծման ու վերամշակման համալիրի շինարարություն է այցելել Հայաստանի նախագահ Սերժ Սարգսյանը՝ Գեղարքունիքի մարզ կատարած իր աշխատանքային այցելության շրջանակում:
Հիշեցնենք, որ ինչպես հայտնել էին ավելի վաղ, գործարանը ծրագրում է մինչեւ 2023 թ. ապահովել իր առավելագույն հզորությունը՝ տարեկան 45-50 հազար ձուկ: Ձկան ու պահածոների մոտավորապես 75 տոկոսը ծրագրում են արտահանել: «Մենք մտածում ենք Ռուսաստանի ու ԵՏՄ մյուս երկրների մասին, բայց աշխատում ենք նաեւ Եվրամիության հավաստագիր ստանալու ուղղությամբ»,- հավելել է Գեւորգյանը:
Հիշեցնենք, որ Սեւանի ափին գտնվող համալիրում ծրագրում են շերեփուկներ բուծել, իսկ հետո դրանք աճեցնել լճի վրայի բուծարաններում: Այդուհանդերձ, շեշտեց Գեւորգյանը, Սեւանին աղտոտվածություն չի սպառնում, քանի որ հնարավորինս մաքուր կեր է ընտրվել: «Օգտագործելու ենք ճանաչված՝ հիմնականում դանիական արտադրողների կերեր»,- շեշտել է նա:
Ծրագրի շրջանակում նախատեսում են կառուցել շերեփուկների բուծարաններ, ինչպես նաեւ ապխտման ու պահածոյացման գործարան: