Հայաստանում ստվերային զբաղվածության մակարդակը մոտ 20 տոկոս է կազմում: Այդ մասին նոյեմբերի 30-ին ասել է Հայաստանի Վիճակագրության պետական ծառայության աշխատանքի վիճակագրության բաժնի պես Լուսինե Քալանթարյանը:
Նրա խոսքով, այդ ցուցանիշը հաշվի չի առնում ֆերմերական տնտեսություններում ինքնազբաղվածներին (որտեղ աշխատանքային պայմանագիրը հայտնի պատճառներով բացակայում է), այն որոշվում է տնային տնտեսությունների եռամսյակային հարցման վրա: Հանրապետությունում ընդհանուր առմամբ 1 մլն 100 հազար զբաղված մարդ կա (բայց այս թիվը չի ներառում արտասահմանում աշխատանքային միգրանտներին):