Երկրի պաշտպանության համակարգը գործող Սահմանադրությամբ խոցելի ու վտանգավոր է: Այս մասին այսօր՝ դեկտեմբերի 2-ին, Կոտայքի մարզի Աբովյան քաղաքում, «Այո եւ ոչ» ռեալիթի շոուի ժամանակ ասել է Հայաստանի PR ասոցիացիայի նախագահ Արման Սաղաթելյանը:
«Այսօրվա Սահմանադրությամբ երկրի պաշպանական համակարգը լավ է գործում, քանի որ երկրի նախագահն ունի խորհրդարանական մեծամասնություն եւ կարողանում է ճիշտ որոշումներ կայացնել»,-ասել է նա:
ԱԺ ՀՅԴ խմբակցության պատգամավոր Արծվիկ Մինասյանն էլ նշել է, որ Հայաստանում սահմանադրական փոփոխություններ իրականացնելը քաղաքական դաշտի պահանջն է եղել, այդ պատճառով էլ առաջ է քաշվել սահմանադրական փոփոխությունների նախագիծը:
Նշենք, որ «Հարավ» ուղղության «Այո»-ի մասնակիցներն են՝ Սահմանադրական բարեփոխումների մասնագիտական հանձնաժողովի անդամ Հրայր Թովմասյանը, Հայաստանի PR ասոցիացիայի նախագահ Արման Սաղաթելյանը, ԱԺ «Հանրապետական» խմբակցության պատգամավորներ Կարինե Աճեմյանը, Վարդան Այվազյանը, ԱԺ ՀՅԴ խմբակցության պատգամավոր Արծվիկ Մինասյանը: Իսկ «Ոչ»-ի ճակատից են հասարակական կարծիքի ուսումնասիրության կենտրոնի նախագահ Թամարա Գեւորգյանը, քաղաքական գործիչ Ազատ Արշակյանը, ակտիվիստ Վաղինակ Շուշանյանը, ԱԺ պատգամավոր Հրանտ Բագրատյանը:
