Ճակատամարտի ընթացքում սելֆի անող վիկինգների մասին վարակիչ տեսանյութը YouTube-ում միլիոնից ավելի դիտում է հավաքել:
Տեսանյութը պատրաստել է Walker Agency Zurich գովազդային գործակալությունը` շվեյցարական iFolor ընկերության պատվերով, որը մասնագիտացած է լուսանկարների թվային տպագրության եւ ֆոտոալբոմների վաճառքում: Գործակալությունը iFolor-ի համար նաեւ ծննդյան տոներին նվիրված վարակիչ տեսանյութ է մշակել: Իրենց ծանոթության պահը վերապրող տարեց զույգի մասին տեսագրությունը YouTube-ում հայտնվել է նոյեմբերի 23-ին եւ հասցրել է ավելի քան 500 հազար դիտում հավաքել, տեղեկացնում է Lenta-ն:
Սելֆիների` սոցցանցերի համար ինքնադիմանկարների ստեղծումը վերջին տարիների համացանցային ամենանշանակալի միտումներից է դարձել: Սելֆի են անում հոլիվուդյան աստղերն ու քաղաքական գործիչները: Օքսֆորդի բառարանի կազմողները selfie-ն 2013-ի ամենակարեւոր բառ են կոչել: Գոյություն ունեն բջջային հատուկ հավելվածներ, որոնք առցանց ինքնադիմանկարների երկրպագուներին հնարավորություն են տալիս ռետուշավորել իրենց պատկերները: 2014-ի մարտին մի հետազոտություն էր հրապարակվել, ըստ որի, ամեն տարի աշխարհում ավելի քան մեկ միլիոն սելֆի է արվում: