Սուդանը հունվարի 4-ին հայտարարել է Իրանի հետ դիվանագիտական հարաբերությունները խզելու մասին: Այս մասին ասված է երկրի նախագահ Օմար ալ Բաշիրի աշխատակազմի տարածած հայտարարության մեջ:
Սուդանի Հանրապետությունը Իրանի դեսպանին պերսոնա նոն գրատա է հայտարարել եւ բոլոր դիվանագիտական ծառայողներից պահանջել է լքել երկիրը: «Սուդանի իշխանությունները դատապարտում են տարածաշրջանում Իրանի միջամտությունը, որը կրոնական թշնամանք է սերմանում»,- ասված է հայտարարության մեջ, փոխանցում է ՏԱՍՍ-ը:
Հիշեցնենք, որ ավելի վաղ Իրանի հետ դիվանագիտական հարաբերությունները խզել էր Սաուդյան Արաբիան:
