Ի հեճուկս փորձագետների սպասումների, էներգակիրների գների անկումը հանգեցրել է Արեւմուտքում արտադրվող շատ ապրանքների պահանջարկի նվազման եւ մեծ կապիտալ ներդրումներ պահանջող տասնյակ նախագծերի չեղարկման: Համաշխարհային տնտեսությունն այսօր ավելի շատ է կախված զարգացող երկրներից, քան 15 կամ 25 տարի առաջ, նշում են Bloomberg-ի փորձագետները:
«4 մլրդ մարդու համար էներգակիրներն ու ջերմամատակարարումը կէժանանա, նրանք ավելի շատ ազատ միջոցներ կունենան»,-հունվարին ասել էր BlackRock միջազգաին ներդրումային ընկերության ղեկավար Լոուրենս Ֆինքը, հաղորդում է RT-ն:
Սակայն զարգացող երկրները, որոնց տնտեսությունը նավթի գների անկման պայմաններում ավելի դանդաղ են աճում, քան սովորաբար, չեն շտապում ներդրումային նախագծերում փող ներդնել: Bloomberg-ի տվյալներով, համաշխարհային տնտեսության տարբեր ոլորտներում սառեցված նախագծերի ծավալը կազմում է 380 մլրդ դոլարից մինչեւ 1,5 տրլն դոլար, զգալիորեն ընկել է սարքավորումների պահանջարկը:
Էներգակիրների գների նվազումը ազդել է նաեւ սպառողական շուկաների վրա: Այսպես, Apple ընկերությունը վերջին եռամսյակում վաճառքի ծավալների անկումը կապում է նավթ արդյունահանող երկրների տնտեսությունների աճի ցածր տեմպի հետ:
«Ես երբեք չէի մտածի, որ կցանկանամ, անգամ կաղոթեմ, որ նավթի գները բարձր լինեն, բայց հիմա ես աղոթում եմ դրա համար: Աշխարհին պետք է նավթի բարձր գներ»,-ասել է հոլանդական ABN Amro բանկի առաջատար տնտեսագետ Հան դե Յոնգը: