Մարդու իրավունքների եվրոպական դատարանում ընթացող «Չիրագովն ընդդեմ Հայաստանի» գործի սլումների ընթացքում եվրոպացի դատավորները ստիպված են եղել արձանագրել, որ ադրբեջանցի փախաստականների շահերը ներկայացնող իրավաբանները չեն տիրապետում իրենց իսկ երկրի օրենսդրությանը:
ՄԻԵԴ-ում Հայաստանի ներկայացուցիչ Ալվինա Գյուլումյանը հարց է տվել, թե երբ է ընդունվել եւ ուժի մեջ մտել Ադրբեջանի Հանրապետության հողային օրենսգիրքը, սակայն ադրբեջանական ներկայացուցիչների խումբը այդպես էլ չի կարողացել պատասխանել հայ դատավորի հարցին:
Ի դեպ, Ադրբեջանը դատարանում ներկայացնում են հիմնականում օտարերկրյա մասնագետներ, թեեւ խմբում ընդգրկված է պաշտոնական ներկայացուցիչ Ջ.Ասգարովը, մինչդեռ հայկական կողմում բացառապես Հայաստանից մեկնած մասնագետներ են՝ Գևորգ Կոստանյանի գլխավորությամբ:
Նշենք, որ այսօր ՄԻԵԴ-ում սկսվել է երկու գործի քննությունը: «Չիրագովներն ընդդեմ Հայաստանի Հանրապետության» գործով հայցվոր ադրբեջանցի ընտանիքը պնդում է, որ «հայկական օկուպացիայի» հետեւանքով Լաչինում կորցրել է իր տունը, ունեցվածքը եւ զրկվել այն տեսանելի ապագայում օգտագործելու, ժառանգելու կամ զարգացնելու հնարավորությունից, քանի որ Հայաստանի կառավարությունը շարունակում է մերժել նրանց դիմումները` Լաչին վերադառնալու վերաբերյալ։
Մյուս ներկայացրել է Շահումյանի շրջանի Գյուլիստան բնակիչ Մինաս Սարգսյանի ընտանիքը, որը 1992թ. հունիսին ստիպված է եղել լքել իր հայրենի գյուղը եւ փասխատական դառնալ: Սարգսյանները փոխհատուցում են պահանջում փախուստի ժամանակ իրենց գույքի կորստի համար: Նրանք նշել են, որ Ադրբեջանի Հանրապետությունը պատասխանատվություն է կրում նաեւ գյուղի մշակույթի հուշարձանների, իրենց նախնիների գերեզմանների ավիրման համար:
