1988-1992 թվականներին Ադրբեջանից փախստականներին եւ Հայաստանում պաշտոնաթող զինվորականներին կշարունակեն աջակցություն ցուցաբերել բնակարանային հարցում: Այս մասին մայիսի 10-ին Ազգային ժողովի հատուկ նիստում ՀՀ վարչապետի ընտրության հարցի քննարկման ժամանակ հայտարարեց վարչապետի պաշտոնակատար Նիկոլ Փաշինյանը:
Նա նշեց, որ 2019թ․ ավելի քան 10 տարվա ընթացքում առաջին անգամ փախստականների ընտանիքներին սկսել են բնակարանային վկայականներ հանձնվել:
«Այս մարդիկ տասնամյակներ շարունակ ապրում են կենցաղային ծայրահեղ վատ պայմաններում:Վկայականներ են սկսել հանձնվել նաեւ զինվորական կենսաթոշակառուներին: Փախստականների ծրագրի համար 2018 թվականից տարեկան հատկացվում է 1,5-2 միլիարդ դրամ, իսկ զինվորական կենսաթոշակառուների համար` շուրջ 8 միլիարդ դրամ: Այս բոլոր հարցերը տասնամյակներ շարունակ չեն լուծվել, իսկ այժմ դրանք վերջապես լուծվում են»,- ընդգծեց Փաշինյանը:
