![](img/news/31/03/39/default.jpg)
Twitter-ի գլխավոր տնօրեն Ջեք Դորսին մեկնաբանել է #RIPTwitter («Հանգչիր խաղաղությամբ, Twitter») հեշթեգի ի հայտ գալը՝ կապված նորությունների ժապավենի ձեւավորման ալգորիթմի ենթադրյալ փոփոխության հետ:
«Ողջո՛ւյն, Twitter! Ինչ վերաբերում է #RIPTwitter-ին. ուզում եմ, որ իմանաք, որ մենք միշտ լսում ենք ձեզ: Մենք չէինք ծրագրում հաջորդ շաբաթ վերակազմավորել նորությունների ժապավենի ձեւավորման կարգը»,- գրել է նա:
Ըստ Lenta-ի, Դորսին նշել է, որ Twitter-ն օգնում է կապ պահպանել իրական ժամանակով, եւ ցանցը ստեղծողները մտադիր են շարունակել կատարելագործել ծառայությունը՝ այն «ավելի կենդանի դարձնելու համար»:
Ավելի վաղ Twitter-ի օգտատերերը #RIPTwitter հեշթեգն էին ստեղծել՝ դժգոհություն հայտնելով, մասնավորապես, այն առիթով, որ ծառայությունը նման կլինի Facebook-ի նորությունների ժապավենին:
Twitter-ը կարող է գրառումների հրապարակման նոր մեխանիզմը ներկայացնել արդեն փետրվարի կեսերին: