Հայաստանում առեւտրի համար խոչընդոտ է ի հայտ եկել՝ մեքենաների ներկրման ժամանակ ֆիզիկական անձանցից գանձվող ԱԱՀ-ն: Այս մասին փետրվարի 8-ին կայացած Մոսկվա-Աստանա-Երեւան մամուլի ասուլիսի ժամանակ հայտարարեց Եվրասիական տնտեսական հանձնաժողովի՝ մակրոէկոնոմիկայի եւ ինտեգրման հիմնական ուղղությունների գծով կոլեգիայի անգամ (նախարար) Տատյանա Վալովայան:
«Մենք այդպիսի խոչընդոտ ունեինք Ղազախստանում, որը հետագայում վերացվեց: Բայց հիմա այն հայտնվել է Հայաստանում: Եվ այս խնդիրը ցույց է տալիս, թե որքան կարեւոր է մեզ համար հետեւել ոչ սակագնայի առեւտրային խոչընդոտների դեպքերին»,- հավելեց Վալովայան:
Կան դեպքեր, երբ գանձումներն ու սահմանափակումներն օրինական բնույթ են կրում, սակայն բազմաթիվ գանձումներ հստակ կերպով արգելված են: Ըստ նախարարի, 2015 թվականին այդպիսի 80 խոչընդոտ է վերացվել, որոնք կիրառում էին ԵՏՄ անդամ տարբեր պետություններ:
Ավելի արդյունավետ մոնիթորինգի համար որոշվել է ներքին շուկաների թղթապանակներ կազմել: Այդ խնդիրըն կստանձնի Հայաստանից ԵՏՀ անդամ Կարինե Մինասյանը: