Թուրքիայի ՆԳ նախարար Էֆքան Ալան հայտարարել է, թե անվտանգության ուժերը քրդաբնակ Ջիզրեում հաջողությամբ ավարտել են քրդերի դեմ գործողությունները։
Թուրքական Milliyet-ի փոխանցմամբ՝ Թուրքիայի ՆԳ նախարարը նշել է, թե չնայած Ջիզրեում ռազմական գործողություններն ավարտվել են, սակայն քաղաքում հայտարարված փողոց դուրս գալու արգելքը շարունակվելու է որոշ ժամանակով։
Նա շեշտել է, թե թուրքական անվտանգության ուժերը վերահսկողություն են հաստատել Ջիզրեում։
Նշենք, որ Ջիզրեում 2015-ի դեկտեմբերի 14-ից փողոց դուրս գալու արգելք է սահմանված, որի ժամանակ անվտանգության ուժերը կրակել են ցանկացած շարժվող կետի վրա։ Այդ ընթացքում սպանվել են մի քանի տասնյակ խաղաղ քաղաքացիներ։