«Իսլամական պետություն» ահաբեկչական խմբավորումը ստանձնել է Դաղստանում մահապարտ ահաբեկչի կողմից մեքենայի պայթյունի պատասխանատվությունը, ինչի հետեւանքով 2 ոստիկան է զոհվել: Այս մասին գրում է Gazeta-ն՝ վկայակոչելով Reuters-ը:
Գործակալությունը մեջբերում է Կովկասում ԻՊ-ի «մասնաճյուղի» հայտարարությունը, որը հրապարակվել է Twitter-ում: Հաղորդագրությունում ասվում է, որ «Իսլամական պետության» կողմնակիցներից մեկն ականապատ մեքենայով մոտեցել է ճանապարհապարեկային ծառայության պահակակետին, գործի դրել պայթուցիկ սարքը, «ինչը հանգեցրել է այնտեղ գտնվողների մահվան կամ վիրավորվելուն»: