Իրանի խորհրդարանում հայկական համայնքի համար նախատեսված 2 տեղի համար ավելի քան 9 թեկնածու է պայքարում: Այս մասին փետրվարի 23-ին կայացած մամուլի ասուլիսին ասել է իրանագետ Գոհար Իսկանդարյանը:
Նա հիշեցրել է, որ փետրվարի 26-ին Իրանում խորհրդարանական ընտրություններ են կայանալու: Իսկանդարյանի խոսքով՝ Իրանի խորհրդարան ընտրվելու համար պայքարում է ավելի քան 12 հազար թեկնածու: «Հայ թեկնածուների մի մասը պայքարում է խորհրդարան անցնելու համար հյուսիսային շրջաններից եւ Թեհրանից, իսկ մի մասն էլ՝ հարավից: Հաղթելու մեծ շանսեր ունի հարավի ներկայացուցիչ Ժորժիկ Տեր-Մաթեւոսյանը: Հյուսիսային կամ կենտրոնական հատվածից մեծ շանսեր ունի Կարեն Խանլարյանը: Նրա թեկնածությունը պաշտպանում է ՀՅԴ-ն, որը Իրանում ազդեցիկ է»,- նշել է Գոհար Իսկանդարյանը: