Իրանում բանտից գրավի դիմաց ազատվել են Նիլուֆար Համեդին եւ Էլահե Մոհամադին, որոնք ձերբակալվել էին Մահսա Ամինիի մահվան եւ դրան հաջորդած զանգվածային ցույցերի մասին հրապարակումների պատճառով, տեղեկացրել է AFP գործակալությունը։
Shargh թերթի լրագրող Համեդին ձերբակալվել էր Ամինիի մահվանից մի քանի օր հետո՝ 2022թ. սեպտեմբերին։ Ham Miham թերթի լուսանկարիչ Մոհամադին ձերբակալվել էր 2022թ. սեպտեմբերին։
Այդ ժամանակվանից նրանք բանտում էին։ 2023թ. հոկտեմբերին նրանք մեղավոր են ճանաչվել եւ դատապարտվել 7 եւ 6 տարվա ազատազրկման իսլամական հանրապետության դեմ քարոզչության եւ այլ մեղադրանքներով։
Այժմ նրանից յուարքանչյուրը 180 հազար եվրոյի գրավ է վճարել։
Մահսա Ամինին մահացել է 2022թ. սեպտեմբերի 16-ին բարքերի ոստիկանության կողմից ձերբակալվելուց հետո։ Նրա ընտանիքը նշում է, որ աղջիկը մահացել է դաժան վերաբերմունքի պատճառով։ Թեհրանի իշխանությունները հերքում են այս պնդումը։