News
Լրահոս
News
Ուրբաթ
Ապրիլ 19
Տեսնել լրահոսը

Իրանում ուրբաթ օրը տեղի են ունենում Մեջլիսի՝ երկրի 290 տեղանոց խորհրդարանի ընտրությունները։

Իրանում ընտրելու իրավունք ունի երկրի 87 միլիոն քաղաքացիներից ավելի քան 61 միլիոնը։ Ընտրողների քվեաթերթիկները հիմնականում հաշվվում են ձեռքով, ուստի ընտրությունների արդյունքների հրապարակումը կարող է տևել ընտրությունների օրվանից մինչև երեք օր:

Իրանի Իսլամական Հանրապետության առաջնորդ Այաթոլլա Ալի Խամենեին իր համաքաղաքացիներին կոչ է արել քվեարկել՝ այս քվեարկությունը համարելով որոշիչ երկրի հետագա ճակատագրի համար։

«Եթե մենք կարողանանք աշխարհին ցույց տալ, որ մեր ժողովուրդը միշտ պատրաստ է գործելու կարևոր, որոշիչ պահերին, ապա իրականում մենք կփրկենք մեր երկիրը»,- ասաց նա։

Իրանի առաջնորդը հույս է հայտնել, որ ընտրություններին մասնակցությունը գերազանց կլինի։ Խամենեին հավելել է, որ իրանցիները, ովքեր կոչ են անում բոյկոտել ընտրությունները, «պետք է մի փոքր երկար մտածեն»։

Իրանում նախընտրական քարոզարշավը մեկնարկել է անցած հինգշաբթի. ընտրություններին թույլատրվել է մասնակցել ռեկորդային թվով թեկնածուներ՝ ավելի քան 15,2 հազար մարդ, ինչը կազմել է ընտրություններին մասնակցելու համար սկզբում գրանցված դիմողների ընդհանուր թվի գրեթե 75%-ը։ Ընտրություններին ընդունված շուրջ 1,7 հազար թեկնածուներ կանայք են։

Իրանի Սահմանադրության համաձայն՝ խորհրդարանում հինգ տեղ պետք է բաժին հասնեն կրոնական փոքրամասնությունների ներկայացուցիչներին։

Ընտրություններին մասնակցելու իրավունք ունեցող յուրաքանչյուր թեկնածու պետք է հաստատեր Նպատակահարմարության խորհուրդը, որը 12-տեղանոց խորհրդատվական մարմին է Այաթոլլահ Խամենեիի ներքո:

Նոր խորհրդարանի առաջին նիստը տեղի կունենա մայիսի վերջին։

Նաև մարտի 1-ին տեղի կունենան Իրանի ղեկավարի խորհրդատվական մարմնի՝ Փորձագետների խորհրդի ընտրությունները։ Խորհրդի 88 տեղի համար կպայքարեն 144 թեկնածուներ։ Նրանք ընտրվել են Նպատակահարմարության խորհրդի կողմից՝ ընտրություններին մասնակցելու համար գրանցված 510 դիմորդներից։

Իրանում բարեփոխումների կողմնակից շատ թեկնածուների արգելվել է մասնակցել խորհրդարանական ընտրություններին, իսկ որոշ քաղաքական գործիչների, այդ թվում՝ Իրանի նախկին նախագահ Հասան Ռոհանիին, թույլ չեն տվել մասնակցել Փորձագետների խորհրդի ընտրություններին։

Փորձագետների խորհուրդն ընտրվում է ութ տարի ժամկետով՝ քվեարկելու իրավունք ունեցող իրանցիների (18 տարեկանից բարձր) ուղղակի գաղտնի քվեարկությամբ և իրավասու է նշանակել երկրի գերագույն առաջնորդին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրանը երկարացրել է Նոբելյան մրցանակակիր Նարգես Մոհամադիի բանտարկության ժամկետը. WP
Իրանը 15 ամսով երկարացրել է Մոհամադիի բանտարկությունը...
Իրանում բողոքները լուսաբանող լրագրող կանանց գրավի դիմաց ազատ են արձակել
Իրանում բանտից գրավի դիմաց ազատ ենմ արձակել լրագրողուհիներին...
Իրանը ՄԱԿ-ում Արեւմուտքին եւ Instagram-ին մեղադրել է 2022 թվականին երկրում անկարգություններ հրահրելու մեջ
Նա նաեւ քննադատել է Twitter-ին՝ նշելով, որ անկարգությունների առաջին ամսվա ընթացքում այդ հարթակում ստեղծվել է․․․
Իրանի նախկին նախագահ Ռոհանին վերադառնում է ակտիվ քաղաքականության ոլորտ. Tasnim
Ռոհանիի վերադարձի առաջին քայլերից մեկը կլինի նրա հուշագրությունների հրապարակումը ․․․
Իրանում հայտարարել են ավելի քան 20 հազար ցուցարարի ներում շնորհելու մասին
«Այսօրվա դրությամբ 82 հազար մարդ համաներում է ստացել, եւ այդ թիվը կարող է ավելանալ․․․
Բանտում գտնվող իրանցի ռեժիսոր Ջաֆար Փանահին հացադուլ է հայտարարել
Ջաֆար Փանահին Էվինի բանտում հացադուլ է հայտարարել...
Ամենաշատ