ՀՀ իշխանությունները վախեցան նորից քննարկել 2008 թ. մարտի 1-ին Երեւանի կենտրոնում ողբերգական իրադարձությունների հարցը: Այս մասին լրագրողներին մարտի մեկին հայտնել է ՀԱԿ խմբակցության պատգամավոր Գագիկ Ջհանգիրյանը:

Նա հիշեցրել է, որ քաղաքական մեծամասնությունը ընդդիմությանը խոստացել էր հանձնաժողով ձեւավորել 2013 թ. նախագահական ընտրություններից անմիջապես հետո, բայց չի կատարել իր խոստումը: «Այն ժամանակ ես հույս ունեի, որ իշխանությւոնները կցանկանան ազատվել նրանցից, ովքեր ծրագրել ու իրականացրել էին մարտի 1-ի սպանությունները: Երբ հրաժարվեցին այդ նախաձեռնությունից, ես հասկացա, որ ամենայն հավանականությամբ իշխանություններն այնքան են սերտաճել, որ երկրորդները առաջինների դեմ գնալու համարձակություն չունեցան »,- ասել է Ջհանգիրյանը:

Պատգամավորը համամիտ չէ այն տեսակետին, որ սահմանադրական բարեփոխումները ու անցումը խորհրդարանական հանրապետությանը ինքնին ունակ են ազատել հետընտրական վտանգավոր բախումներից: Հարցն ավելի հեշտ է լուծվում, պետք է հանցագործությունները բացահայտվեն, իսկ մեղավորներն էլ դատարանի առջեւ կանգնեն: «Ես սադիստ չեմ, ու չեմ պահանջում, որ հազարավոր մարդիկ բանտ նստեն ու երկար ժամանակով: Բայց գոնե տասնյակ մարդիկ պետք է պատիժ կրեն: Հենց դա էլ կլինի քայլ՝ այդ իրադարձությունների կրկնության դեմ»,- ամփոփել է Գագիկ Ջհանգիրյանը:

Հիշեցնենք, որ 2008թ. մարտի 1-ին իշխանության եւ ընդդիմության միջեւ բախումների ժամանակ Երեւանի կենտրոնում 8 ցուցարար եւ Զինված ուժերի 2 զինծառայող էր զոհվել։ Մարդկանց մահվան համար մինչ օրս ոչ ոք պատասխան չի տվել։