![](img/news/31/54/46/default.jpg)
Մեծ Բրիտանիայի արդարադատության նախարար Մայքլ Գոուվը հայտարարել է, որ Եվրամիության քաղաքականությունը հանգեցրել է Եվրոպայում ծայրահեղ աջերի ժողովրդականության աճին եւ երկրի անվտանգության խափանմանը: Այս մասին գրում է ՌԻԱ Նովոստին՝ վկայակոչելով Sunday Times-ը:
«ԵՄ-ի պատճառով ամբողջ մայրցամաքում ծայրահեղ աջերը 1930-ականներից ի վեր ավելի ուժեղ են, քան երբեւէ»,- հայտարարել է նախարարը:
Գոուվը նշել է, որ ԵՄ-ի դատական մարմիններն են որոշում, «թե մեր հետախույզներն ինչ պետք է անեն, եւ արդյոք մենք կարող ենք անվտանգության մեջ մնալ», ինչը հակասում է բրիտանական շահերին:
«Կարծում եմ՝ մարդկանց անվտանգությունն ավելի լավ կարող ենք ապահովել, եթե Եվրամիության կազմում չլինենք»,- հայտարարել է պաշտոնյան:
Լոնդոնի քաղաքապետ Բորիս Ջոնսոնը նույնպիսի դիրքորոշում է հայտնել՝ նշելով, որ ԵՄ-ի կանոնները «կործանարար» են Մեծ Բրիտանիայի անվտանգության համար: