![](img/news/03/18/23/default.jpg)
ԱՄՆ-ի հրեա-հասիդների համայնքի ներկայացուցիչները ՄԱԿ-ի Հազարամյակի զարգացման նպատակների գագաթաժողովի շրջանակներում Նյու Յորքում գտնվող Թուրքիայի նախագահ Աբդուլահ Գյուլին «խաղաղության գործում ավանդ ներդնելու համար» պատվոգիր են շնորհել, հայտնում է TRT Russian կայքէջը։
Հրեա-հասիդները Գյուլի հետ փոքրիկ զրույց են ունեցել։ Թուրքիայի նախագահին պատվոգիրը շնորհվել է թուրք-իսրայելական հարաբերությունների լարվածության ֆոնին։
Հասիդները 18-րդ դարում սկիզբ առած եւ միստիցիզմի հակված հրեական կրոնական հոսանքի՝ հասիդիզմի հետեւորդներ են։
Նշենք, որ նախօրեին թուրքական եւ իսրայելական լրատվամիջոցները հայտարարել էին Թուրքիայի նախագահի՝ իր իսրայելցի գործընկերոջ Շիմոն Պերեսի հետ հանդիպելուց հրաժարվելու մասին։ Իսրայելական լրատվամիջոցները հայտնել էին, որ Թուրքիայի նախագահը Պերեսից պահանջել էր ներողություն խնդրել նավատորմի հետ կապված հայտնի միջադեպի առնչությամբ, իսկ Պերեսն իր հերթին հրաժարվել էր դա անել: