Հայաստանի ֆուտբոլի հավաքականը արժանի մրցակից է Բելառուսի համար: Այս մասին NEWS.am-ի թղթակից Վերա Մարտիրոսյանի հետ զրույցում նշել է «Բելառուս 5» հեռուստաընկերության մարզական լրագրող Նիկոլայ Խոդասեւիչը՝ անդրադառնալով մարտի 25-ին Երեւանում կայանալիք Հայաստան – Բելառուս ընկերական խաղին:
«Բելառուսի հավաքականը կես տարի չի խաղացել: Մենք բաց թողեցինք նոյեմբերի ընկերական հանդիպումները: Այժմ ունենք երկու հանդիպում Հայաստանի եւ Մոնտենեգրոյի հետ, որոնց համարում եմ արժանի մրցակիցներ: Մենք խաղալու ենք հինական կազմով, սակայն ունենք կորուստներ: Օբյեկտիվ պատճառներով չեն մասնակցի խաղին Ալեքսանդր Գլեբը ու Անտոն Պուտիլոն, բայց ինչպես հասկացա մարզչական կազմը հետագայում նրանց հետ հույսեր կապում է»,-նշել է նա:
Նիկոլայ Խոդասեւիչի խոսքով, Մաքսիմ Բարդաչեւը եւ Իգոր Ստասեւիչը, դուրս մնացին այս հավաքից: «Մարզիչը վստահեցրեց, որ իրեն ձեռք է տալիս այս կազմը: Նորեկներ չկան, ֆուտբոլիստները առաջին տարին չէ, որ միասին հանդես են գալիս:
Բելառուսը սկսել է պատրաստվել աշխարհի առաջնության ընտրական փուլին: Վերջին տարիներին մենք խնդիր ունեինք սպարինգ զույգերի ընտրության հարցում: Այս պահին մեր ոչ բոլոր ֆուտբոլիստներ են գնվում լավ մարզավիճակում, քանի որ շատերի համար խաղային մրցաշրջանի նոր է վերսկսվել: Այսպիսի սպարինգ խաղերին մեծ ուշադրություն չենք դարձնում, սա իր հերթին աշխատանքային գործընթաց է: Լավ է, որ ունենք երկու խաղ: Դրանք արատգնա են, քանի որ մեզ մոտ այժմ եղանակը այդքան էլ լավը չի»- ասաց Նիկոլայ Խոդասեւիչը: