Beeline-ն ուրախ է բրիտանական ֆիլմերը հասցնել Հայաստանի մարզերի բնակիչներին: Այս մասին մարտի 29-ին՝ Հայաստանում բրիտանական ֆիլմերի փառատոնի փակման ժամանակ, ասել է Հայաստանում Beeline-ի գլխավոր տնօրեն Անդրեյ Պյատախինը:
«Մենք ուրախ ենք, որ British Council-ի եւ Բրիտանիայի դեսպանատան հետ համագործակցությունը Երեւանում օգնում է երիտասարդներին ճանաչել բրիտանացի կինեմատոգրաֆների աշխատանքները: Հատկանշական է, որ փառատոնը նշանակալի մշակութային իրադարձություն է ոչ միայն Երեւանի, այլեւ ողջ Հայաստանի համար: Իսկ Beeline-ն իր հերթին օգնում է մասնակիցների կյանքն ավելի լավը դարձնել»,- ասել է նա:
Հիշեցնենք, որ փառատոնը կայացել է փետրվար-մարտ ամիսներին Երեւանում եւ Ապարան, Դիլիջան, Ալավերդի քաղաքներում: Ցուցադրություններին այցելել է 25 հազար մարդ: Ծրագիրը ներառում էր 7 ֆիլմ:
Փառատոնի փակման արդյունքում մրցանակներ են հանձնվել լավագույն գրախոսականի եւ լավագույն սելֆիի (BestofBritish Selfie) համար: Լավագույն գրախոսներ են ճանաչվել Սեգ Կիրակոսյանն եւ Արտակ Վարդանյանը, որոնք գրախոսական են գրել Էմի Ուայնհաուզի մասին պատմող ֆիլմի համար: Իսկ սելֆիի մրցույթի հաղթողին կորոշի վկճակահանությունը: