Գյումրիում Ավետիսյանների սպանության գործով դատավարության ընթացքում շարունակվել է գործի նյութերի քննությունը:
Փորձաքննությունների մասով վերջնական որոշում չկա: Նշենք, որ փորձաքննություններն իրականացվել են «ստի դետեկտորի» կիրառումով: Սակայն հայտնի է, որ հարցերի մի մասի պատասխանների ժամանակ գրանցվել են իմպուլսներ, որոնք ցույց են տալիս,որ պատասխանողը ոչ ամբողջական կամ սխալ տեղեկություններ է հաղորդում: Այդ թվում մինչեւ վերջ պարզ չէ, թե ինչու էր ամբաստանյալ Վալերի Պերմյակովը լքել իր պահակետը ու զենքը ձեռքին քաղաք գնացել եւ արդյոք նա ճանապարհին որեւէ մեկին հանդիպել է:
Նիստի ժամանակ ներկայացվել են տվյալներ «Օդնոկլասնիկի» սոցցանցից: Հիշեցնենք, որ հանցագործության «սատանայական» վարկածը այդ ցանցի հետ է կապակցված: