![](img/news/03/20/03/default.jpg)
ՄԱԿ-ի անկախ փորձագետները դատապարտել են մայիսին իսրայելական զինվորականների հարձակումը նավերի վրա, որոնք փորձում էին ճեղքել Գազայի հատվածի շրջափակումը: Ինչպես նշվում է փորձագետների պատրաստած զեկույցում, իսրայելացի զինվորականների գործողությունները եղել են «ոչ միայն անհամարժեք, այլեւ ոչ անհրաժեշտ եւ աներեւակայելի դաժանություն են ցուցաբերել»:
Զեկույցում նշվում է նաեւ, որ նման գործողությունները չեն կարող բացատրվել կամ արդարացվել այլ դրդապատճառներով:
«Նման միջոցները իրենցից ներկայացնում են մարդու իրավունքների եւ միջազգային հումանիտար օրենքների կոպիտ խախտումներ»,- նշված է փաստաթղթում:
Իսրայելի կողմից խախտումների շարքում նշվում են «կանխամտածված սպանությունները, խոշտանգումները կամ անմարդկային վերաբերմունքը, միտումնավոր լուրջ վնասվածքներ հասցնելը»:
Հիշեցնենք, որ իսրայելցի զինվորականների հարձակման հետեւանքով սպանվել էին թուրքական Mavi Marmara նավի 9 իրավապաշտպաններ: