News
Լրահոս
News
Երեքշաբթի
Սեպտեմբեր 29
USD
485.66
EUR
565.55
RUB
6.16
ME-USD
0.01
Տեսնել լրահոսը


Հայաստանի Հանրապետությունը լիարժեքորեն կատարելու է իր պարտականությունը Լեռնային Ղարաբաղի բնակչության անվտանգության ապահովման առումով: Այդ մասին այսօր՝ ապրիլի 2-ին Ազգային անվտանգության խորհրդի նիստում հայտարարել է նախագահ Սերժ Սարգսյանը:

«Արտաքին գործերի նախարարությանը, կարծում եմ, անհրաժեշտ է համագործակցել Լեռնային Ղարաբաղի արտաքին գործերի նախարարության հետ եւ աշխատել Լեռնային Ղարաբաղի հետ ռազմական փոխօգնության պայմանագիր կնքելու ուղղությամբ: Անհրաժեշտ է պայմանագրի տեքստն ունենալ, համապատասխան քննարկումներ անցկացնել եւ ուղարկել Ազգային ժողով: Հայաստանի Հանրապետությունը լիարժեքորեն կատարելու է իր պարտականությունը Լեռնային Ղարաբաղի բնակչության անվտանգության ապահովման առումով, եւ մենք նաեւ ունենք դրա իրավաբանական իրավունքը, որովհետեւ ինքներս հանդիսանում ենք 1994 թվականին կնքված հրադադարի համաձայնագրի կողմ»,- ասել է Սերժ Սարգսյանը:

Նրա խոսքով, բացի Զինված ուժերից իրենց գործը կատարում են մեր մյուս գերատեսչությունները. կապ է հաստատվել  միջազգային կառույցների մեր գործընկերների հետ: «Այնուհանդերձ, ինչպես բազմաթիվ անգամ ասել եմ, մեր խնդիրները մենք պետք է լուծենք եւ բնավ չթերագնահատվելով որեւէ մեկի օգնությունը: Հիմա Պաշտպանության նախարարը եւ Գլխավոր շտաբի պետը հարցը կզեկուցեն ռազմական տեսանկյունից, Արտաքին գործերի նախարարի տեղակալը՝ դիվանագիտական ջանքերի մասին, այնուհետեւ կընդունենք համապատասխան որոշումներ»,- ասել է նախագահ Սերժ Սարգսյանը:

Նշենք, որ ըստ նախագահի, այս պահի դրությամբ, հայկական կողմը 18 զոհ եւ 35-ին մոտ վիրավոր ունի:

Ավելի վաղ ԼՂՀ պաշտպանության բանակի մամուլի ծառայությունը հայտնել էր, որ 2016թ. ապրիլի 1-ի լույս 2-ի գիշերը Ադրբեջանը  ղարաբաղա-ադրբեջանական շփման գծի երկայնքով դիմել է բացահայտ հարձակողական գործողությունների՝ օգտագործելով տարբեր զինատեսակներ, այդ թվում՝ հրետանի, զրահատեխնիկա ու օդուժ։

Այս պահի դրությամբ, մարտական գործողությունների ընթացքում ադրբեջանական զինուժը տվել է 200-ից ավելի կորուստ: Միայն Թալիշի ուղղությամբ ոչնչացվել է ադրբեջանական հատուկ նշանակության ջոկատի առնվազն 30 զինվոր, Մարտակերտի ուղղությամբ՝ 2 տանկ, 2 անօդաչու թռչող սարք, իսկ հյուսիսային ուղղությամբ՝ 1 ուղղաթիռ: Առավել խոշոր բախումներ են տեղի ունենում մարտագծի հարավարեւելյան ուղղությամբ: Այս ուղղությամբ ՊԲ հակաօդայինների կողմից ժամը 12:30-ի սահմաններում խոցվել է թշնամական մեկ ռազմական ուղղաթիռ եւ 2 տանկ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արա Նռանյան. Թուրքիան վա-բանկ գնաց` զոհաբերելով Ադրբեջանին. Հայաստանի ձեռքերն ազատ են
«Ադրբեջանն իր իսկ գործողություններով թաղեց խաղաղ կարգավորման սկզբունքները...
ԵԱՀԿ Մինսկի խումբը «համապատասխանող ֆորում» է ղարաբաղյան հիմնախնդրի բանակցությունների համար․ Մերկել
Մերկելը նաեւ նշել է, որ «հարեւան երկրները պետք է իրենց ավանդն ունենան խաղաղ կարգավորման մեջ»...
Խնդրում եմ ուշադրություն դարձնել ապաստարանների և թաքստոցների կահավորման ու պատրաստվածությանը. Վայոց Ձորի մարզպետ
Վայոցձորցիները արցախցիների կողքին են, մենք ուժեղ ենք միասին, հաղթանակը մերն է…
Որպես ԱԺ ՄԻ հանձնաժողովի նախագահ, դիմել եմ միջազգային բոլոր կառույցներին. Նաիրա Զոհրաբյան
Վերջին օրերին քարոզչադաշտում ակտիվ նյութեր էին հրապարակվում, որոնք ակնհայտորեն պատրաստում էին իրենց...
Հունաստանի ԱԳՆ-ն կոչ է անում ղարաբաղյան հակամարտության կողմերին վերադառնալ բանակցությունների սեղանի շուրջ
Մենք ակնկալում ենք, որ շահագրգիռ կողմերի, ինչպես նաեւ երրորդ կողմերի բոլոր գործողություններն ու հայտարարությունները կուղեկցվեն այդ տրամաբանությամբ եւ կխուսափեն լարվածության էսկալացիայից…
Իմ լավագույն դեղամիջոցը հայրենիքի համար պատերազմելն է. սպասում եմ ցուցակագրման. գեներալ Սեյրան Սարոյան
Այսօր մի մարդու նման պարտավոր ենք կանգնել մեր բանակի կողքին, մեր օգնությամբ ու աջակցությամբ այն դարձնել ավելի ամուր ու հզոր...
Ամենաշատ