![](img/news/32/31/50/default.jpg)
Ռուսական Sputnik լրատվական գործակալության Sputnik Turkiye բաժնի գլխավոր խմբագիր Թուրալ Քերիմովին Ստամբուլի օդանավակայանից հետ են ուղարկել։
Թուրքական Demokrathaber կայքի փոխանցմամբ՝ Թուրալ Քերիմովը պատմել է, որ Ստամբուլի Աթաթուրքի անվան օդանավակայանում իրեն ոստիկանները տարել են մի սենյակ, որտեղ հայտնել են, թե իր մուտքը Թուրքիա արգելված է։ Քերիմովը նշել է, թե ոստիկանները վերցրել են իր մոտ գտնվող Թուրքիայում կեցության իրավունքն ու լրագրողի վկայականը եւ հրահանգել շտապ լքել Թուրքիան։
Նշենք, որ նախորդ շաբաթ էլ թուրքական իշխանություններն առանց պարզաբանման Թուրքիայի տարածքում արգելափակել են Sputnik լրատվական գործակալության կայքը։