Ամերիկյան Facebook ընկերությունը պարտվել է մի շարք օգտատերերի նախաձեռնած դատական գործի առաջին փուլը: Օգտատերերը դատի էին տվել Facebook-ին, քանի որ նրանց կարծիքով ընկերությունը ապօրինաբար հավաքում է իրենց բիոմետրիկ տվյալները, հայտնում է Reuters-ը:
Քալիֆորնիա նահանգի դաշնային շրջանային դատարանի լսումներում նախագահող դատավորը մերժել է պատասխան հայցը, որը Facebook–ի դատապաշտպանները ներկայացրել էին գործը փակելու նկատակով, նշել է գործակալությունը:
Մինչ այդ Իրինոյս նահանգի մի քանի բնակիչ դատի էր տվել Facebook–ին ՝ պնդելով, որ սոցցանցը օգտատերերի լուսանկարների վրա իր առաջարկած «թեգերի» համակարգով դեմքերը ճանաչելու գործառույթի շնորհիվ հավաքում է ու պահում իրենց բիոմետրիկ տվյալները: Նրանց կարծիքով դա խախտում է Իրինոյսում գործող օրենքը՝ բիոմետրիկ տեղեկությունների հասանելիության ու գաղտնիության մասին:
Facebook-ը փորձել է փակել գործը, ներկայացնելով պատասխան հայց, պնդելով, որ ըստ Իրինոյս նահանգի օրենքի՝ օգտատերերը չեն կարող դատարան դիմել սոցցանցի դեմ դատական հայցով, քանի որ նրանց օգտատիրական համաձայնագրի համապատասխան ՝ բոլոր առաջացող վեճերը պետք է լուծվեն Քալիֆորնիա նահանգի օրենքների շրջանակում: Բացի դրանից սոցցանցի դատապաշտպանները փորձում էին ապացուցել, որ այդ փաստաթղթում ոչինչ չի ասվում «առաջարկվող թեգերի» մասին: Սակայն դատավորը որոշեց, որ Իլինոյսի օրենքը այս դեպքում կիրառելի է:
