![](img/news/32/60/72/default.jpg)
Հայաստանի ԱԻՆ-ում, այսօր՝ մայիսի 7-ին, ժամը 08.11-ին տեղեկատվություն է ստացվել, որ Կոտայիք մարզի Նոր Գեղի-Եղվարդ ավտոճանապարհի խաչմերուկում տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «ԶԻԼ-130» մակնիշի 34 AO 744 համարանիշի (վարորդ 23-ամյա Արմեն Մ.) և «ՎԱԶ-2106» մակնիշի 34 UC 609 համարանիշի (վարորդ 30-ամյա Հայկ Ն.) ավտոմեքենաները:
«ՎԱԶ-2106» մակնիշի ավտոմեքենայի ուղևոր՝ 30-ամյա Սամվել Ս.-ն և վարորդը տեղափոխվել են Աբովյանի ԲԿ, այնուհետև Սբ. Գ.Լուսավորիչ, որտեղ բժիշկները տուժածների առողջական վիճակը գնահատել են միջին ծանրության: