Հայ-ռուսական տնտեսական հարաբերությունները զարգանում են ակտիվորեն, դինամիկ կերպով եւ հենվում են կողմերի միջեւ վստահության վրա: Այդ մասին Մոսկվայում հայ լրագրողների հետ զրույցում հայտնել է Ռուսաստանի Դաշնության Տնտեսական զարգացման առաջին փոխնախարար Ալեքսեյ Լիխաչովը:
Նրա խոսքով, 2015-ին Հայաստանի եւ Ռուսաստանի միջեւ ապրանքաշրջանառության 1,6 տոկոսը ֆիզիկական շրջանառություն է եղել, 6,7 տոկոսը` Հայաստանից ներմուծում: Լիխաչովն ընդգծել է, որ 2016-ին ֆանտաստիկ ցուցանիշներ են արձանագրվել, հունվարին եւ մարտին Հայաստանից ներմուծումը դոլարային արտահայտությամբ աճել է 3,7 տոկոսով, իսկ ապրանքաշրջանառությունն աճել է 20 տոկոսով:
«Հայ ձեռնարկատերերը անհամեմատ ավելի նախաձեռնող էին, քան ռուսականները, բայց որոշ ապրանքներ, որոնք մենք արգելել էինք Թուրքիայից ներմուծել, Հայաստանից Ռուսաստան ներմուծման աճ են արձանագրել: Օրինակ` լոլիկի մատակարարումը առաջին եռամսյակում դոլարով աճել է 558 անգամ, ավելացել է մրգերի մատակարարումը», -նշել է Լիխաչովը, հավելելով, որ Ռուսաստանը Հայաստանում ներդրումների առումով առաջին տեղն է գրավում` 4.24 մլրդ դոլար, իսկ միջոլորտային համագործակցությունն ընթանում է բոլոր ուղղություններով:
