Հայաստանում ամենաշատ ծառայողական մեքենաները կրճատել են գյուղատնտեսության ու էներգետիկայի նախարարություններում: Այս մասին ասվում է Կառավարության որոշման մեջ, որը հաստատում է պետական գերատեսչությունների ավտոպարկի կրճատումը:
Որոշումն ընդունվել է մայիսի 26-ին Կառավարության նիստի ժամանակ: Դա արվել է բյուջետային խնայողության մասին վարչապետ Հովիկ Աբրահամյանի հանձնարարականի շրջանակում:
Կառավարության աշխատակազմի ղեկավար նախարար Դավիթ Հարությունյանը հայտնել է, որ ընդամենը 798 մեքենա է կրճատվելու, այդ թվում.
Գյուղատնտեսության նախարարությունում՝ 138 ( այդ թվում Սննդամթերքի անվտանգության Պետտեսչությունում՝ 43, ու Ջրային տնտեսության պետկոմիտեում՝ 51), Էներգետիկայի նախարարությունում՝ 115, Կրթության ու գիտության նախարարությունում՝ 106, Առողջապահության նախարարությունում՝ 74, ԱԻՆ-ում՝ 70, Աշխատանքի ու սոցիալական հարցերի նախարարությունում՝ 61 ( այդ թվում սոցապահովության ծառայությունում՝ 20), Պետեկամուտների կոմիտեում՝ 56, Տրանսպորտի նախարարությունում՝ 54, Արդարադատության նախարարությունում՝ 29 (այդ թվում Քրեակատարողական վարչությունում՝ 23 ու ԴԱՀԿ-ում՝ 4), Բնապահպանության նախարարությունում՝ 22, Մշակույթի նախարարությունում՝ 15, Անշարժ գույքի կադաստրի պետական կոմիտեում՝ 15, Սպորտի ու երիտասարդության հարցերի նախարարությունում՝ 14, Կառավարության աշխատակազմում՝ 10, Պետական գույքի կառավարման վարչությունում՝ 10, Քաղաքաշինության նախարարությունում՝ 9, Էկոնոմիկայի նախարարությունում՝ 7, Ֆինանսների նախարարությունում՝ 5, Տարածքային կառավարման ու զարգացման նախարարությունում՝ 4 (այդ թվում Պետական միգրացիոն ծառայությունում՝ 3), Քաղավիացիաայի վարչությունում՝ 4:
