ՀՀ նախագահ Սերժ Սարգսյանը շնորհավորական ուղերձ է հղել Վրաստանի նախագահ Գիորգի Մարգվելաշվիլուն եւ վարչապետ Գիորգի Կվիրիկաշվիլուն` երկրի ազգային տոնի՝ Պետական անկախության վերականգնման օրվա կապակցությամբ:

Նշենք, որ 1918 թ. մայիսի 26-ին Վրաց ազգային խորհուրդը Թիֆլիսում հռչակեց Վրացական Դեմոկրատական Հանրապետության ստեղծումը: Մայիսի 28-ին Թիֆլիսում Մուսուլմանական ազգային խորհուրդը «Արեւելյան եւ Հարավային Անդրկովկասը» հռչակեց անկախ, ինքնիշխան եւ ժողովրդավարական: Մայիսի 28-ին, կրկին Թիֆլիսում, հայ մեծահարուստ նավթարդյունաբերող Միքայել Արամյանցի տանը Հայոց ազգային խորհուրդը հռչակեց Հայաստանի Հանրապետությունը: