Չինական Հենան նահանգում 20-օրյա վճարովի արձակուրդ կտան այն աշխատակիցներին, որոնք ընտանիքում միակ երեխան են, որպեսզի կարողանան խնամել տարեց ծնողներին:
BBC-ի ռուսական ծառայության փոխանցմամբ, այս միջոցը ներդրվում է որպես «մեկ ընտանիք՝ մեկ երեխա» քաղաքականության մասնակի փոխհատուցում:
Այն Չինաստանում գործում էր ավելի քան 30 տարի՝ բնակչության աճը զսպելու համար, եւ վերջնականապես չեղարկվեց միայն անցյալ տարեվերջին:
Որոշ տվյալներով, 2050 թվականին Չինաստանի բնակչության ավելի քան մեկ քառորդը 65 տարեկանից բարձր կլինի: