Ղարաբաղյան հակամարտության կառուցողական լուծման ներուժը սպառված չէ: Այս մասին հունիսի 1-ին՝ «Ղարաբաղյան հակամարտության ռուսական միջնորդության հեռանկարները» թեմայով Երեւան-Բաքու-Մոսկվա հեռուստակամուրջի ժամանակ, ասել է Բաքվի մուլտիկուլտուրիզմի միջազգային կենտրոնի խորհրդական Թոֆիկ Աբբասովը:
Նրա խոսքով՝ եթե խոսքը ղարաբաղյան հակամարտության ճակատագրի մասին է, պակասում է կառուցողականության սկզբունքը: «Ինչ վերաբերում է Ռուսաստանի մասնակցությանը, բնականաբար, ռուսական դիվանագիտությունը առաջինն է հայտնվել կրիտիկական գծի մոտ, որպեսզի շարունակի 1990-ականների քաղաքական գիծը: Չի կարելի ձգձգել դադարը: Ես կարծում եմ, որ կառուցողական լուծման ներուժը սպառված չէ, սակայն պետք է խոսել առարկայական. խոսքը համապարփակ խաղաղ համաձայնագրի մշակման մասին է»,- նշել է Թոֆիկ Աբասովը:
