Չինական Xiaomi ընկերության սմարթֆոններն ու պլանշետներն այսուհետ կվաճառվեն Skype-ով եւ Office ծրագրային փաթեթով համալրված: Այս մասին նշված է Microsoft-ի տարածած հաղորդագրությունում:
Ըստ Gazeta-ի, այդ գաջեթները շուկայում կհայտնվեն 2016 թվականի սեպտեմբերից: Մասնավորապես, Skype եւ Office ծրագրային փաթեթ կունենան այնպիսի մոդելներ, ինչպիսիք են Mi 5-ը, Mi Max-ը, Mi 4s-ը, Redmi Note 3-ը եւ Redmi 3-ը:
Xiaomi-ի եւ Microsoft-ի համագործակցությունը ենթադրում է նաեւ լիցենզավորման եւ արտոնագրային համաձայնագրեր:
Bloomberg-ի փոխանցմամբ, չինական արտադրողը Microsoft-ի շուրջ 1500 արտոնագիր է ձեռք բերել: Դրանք տարածվում են անլար կապի, տեսանյութի, ամպային եւ մուլտիմեդիայի տեխնոլոգիաների վրա:
