News
Լրահոս
News
Ուրբաթ
Հունվար 21
USD
481.66
EUR
546.54
RUB
6.29
Տեսնել լրահոսը

Հռոմի Պապի այցը Հայաստան շարունակում է իր վրա հրավիրել համաշխարհային լրատվամիջոցների ուշադրությունը: Գերմանական մամուլը հատկապես կարեւորել է ջարդերը նորից ցեղասպանություն անվանելու հանգամանքը, Գերմանիայում Բունդեսթագի կողմից ցեղասպանության մասին բանաձեւ ընդունելու եւ դրան հաջորդած Թուրքիայի արձագանքի ֆոնին:

«Բոլորը լարված սպասում էին, թե Հռոմի Պապը հայերի հալածանքներին անդրադառնալիս ինչ բառ կօգտագործի: Նա օգտագործեց ցեղասպանություն բառը եւ միաժամանակ հայ-թուրքական հաշտեցման կոչ արեց»,- գրում է Die Zeit-ը:

«Մինչեւ վերջին պահը պարզ չէր՝ Պապը կարտասանի՞ ցեղասպանություն բառը, թե՞ ոչ: Նրա ելույթի տեքստում բառը բացակայում էր, բայց նա իր այցելության առաջին օրն ասաց այդ բառը եւ աշխարհին զգուշացրեց երբեք չմոռանալ Հայոց ցեղասպանությունը»,- գրում է Tagesspiegel-ը:

Tagesspiegel-ը մասնավորապես կարեւորել էր նաեւ Հռոմի Պապի այցը Գյումրի: «Գյումրիում Հռոմի Պապի մատուցած պատարագը հատկապես մեծ իրադարձություն էր Հայաստանի հավատացյալների համար: Պապն իր աղոթքում հիշատակեց 1988-ի ավերիչ երկրաշարժը եւ քաղաքը, որը վերակենդանացել է»,- գրում է թերթը:

Deutsche Welle-ն նշում է, որ Հռոմի Պապը չի վախեցել շարժել Անկարայի զայրույթը: «Պապը հաստատեց Օսմանյան կայսրությունում հայոց ջարդերի մասին անցյալ տարի հայտնած իր դիրքորոշումը եւ նորից դատապարտեց ցեղասպանությունը: Պապը որոշեց ավելացնել այդ բառն իր ելույթի տեքստում՝ չնայած Անկարայի բողոքին: Դրանով Պապն անտեսեց Թուրքիայի նախագահ Ռեջեփ Թայիփ Էրդողանի «սպառնալիքները», ով 2015-ի ապրիլին հարգարժան Պապին սպառնալից ասել էր, թե ինքը հույս ունի, որ «նմանատիպ սխալներ այլեւս երբեք չեն կրկնվի»,- նշում է պարբերականը:

«Ֆրանցիսկոս Պապի այցն առանձնացրեց քրիստոնեության դերը հայոց ինքնության համար: Պապի այցը Ծիծեռնակաբերդ խաղաղության այց էր: Նա ոչ մի բառ չասաց, միայն աղոթեց: Մեծ եղեռնի մասին իր կարծիքը նա հայտնել էր դրա նախօրեին՝ հիշատակելով մեծաքանակ զոհերի մասին»,- հայտնում է Deutschlandfunk-ը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱԳՆ. Հազիվ թե Հայաստանում որեւէ իշխանություն կասկածի տակ դնի Հայոց ցեղասպանության փաստը
Վարչապետի պաշտոնը զբաղեցնող անձը խուսափեց ամբիոնից այս խոսքերը կրկնելուց․․․
Ընդդիմադիր. Հայաստանի իշխանությունը կարող է հրաժարվել Հայոց ցեղասպանությունից եւ Ղարաբաղից
Նրա խոսքով՝ Հայաստանի ներկայիս իշխանությունը կատարում է Թուրքիայի նախապայմանները․․․
Ավստրալիայի համայնքները կառավարությանը կոչ են արել ճանաչել Օսմանյան կայսրությունում տեղի ունեցած ցեղասպանությունը
Առաջարկն արժանացել է խորհրդարանի հավանությանը...
Հայաստանը պետք է 4 նախապայման կատարի. Թուրքիայի մեջլիսի նախկին փոխնախագահ
Հայաստանը պետք է հրաժարվի «ցեղասպանության պնդումներից» քանի որ հենց ՄԻԵԴ–ում Փերինչեք–Շվեցարիա դատական...
Հայոց ցեղասպանության թանգարանը տարվա ընթացքում ունեցել է ավելի քան 22 հազար օտարերկրացի այցելու
Ապրիլի 3-ից վերաբացվել է նաև թանգարանի պատկերասրահը, որտեղ ներկայացված են ֆրանսահայ նկարիչ Ժանսեմի կտավները: 2021 թ. ապրիլ-դեկտեմբեր ամիսներին...
ԺԴԿ 26 պատգամավոր մեղադրվում է «թուրքական պետությանը վիրավորելու» մեջ Հայոց ցեղասպանության ճանաչման կոչերի պատճառով
Քրդամետ կուսակցության պատգամավորները մեղադրվում են Հայոց ցեղապսանությունը ճանաչելու կոչերի պատճառով...
Ամենաշատ
Ֆոտոռեպորտաժներ