Ղարաբաղյան հակամարտության կարգավորման հիմքում պետք է լինի Լեռնային Ղարաբաղի ժողովրդի ինքնորոշման իրավունքը: Այս մասին Հայաստանի ԱԳ նախարար Էդվարդ Նալբանդյանը հայտարարել է հունիսի 29-ին Երեւանում Գերմանիայի ԱԳ նախարար, ԵԱՀԿ գործող նախագահ Ֆրանկ-Վալտեր Շթայնմայերի հետ համատեղ մամուլի ասուլիսի ժամանակ:
Նախարարի խոսքով, եթե հարգվեն 1994 եւ 1995 թվականների հրադադարի մասին համաձայնագրերն ու Վիեննայում եւ Սանկտ Պետեբուրգում ձեռք բերված համաձայնությունները, կհաջողվի շարունակել բանակցությունները:
«Դրանց նպատակը հակամարտությունը բացառապես խաղաղ ճանապարհով կարգավորելն է, որի հիմքում պետք է ճանաչվի եւ իրականացվի Լեռնային Ղարաբաղի ինքնորոշման իրավունքը»,- հայտարարել է Էդվարդ Նալբանդյանը: