Կարեւոր է, որ Թուրքիայի իշխանությունները ռուս զբոսաշրջիկների անվտանգության ապահովման երաշխիքներ տան, այս մասին ասել է Ռուսաստանի վարչապետ Դմիտրի Մեդվեդեւը կառավարության հունիսի 30-ի նիստի ժամանակ:
«Զբոսաշրջային շրջանի ամենաթեժ շրջանում արդիական է Թուրքիա չարթերային չվերթների արգելքի՝ նաեւ մինչ այդ ռուս զբոսաշրջիկներին ուղղված ՝ այնտեղ հանգստանալու չմեկնելու վերաբերյալ խորհուրդների չեղարկումը: Այս հարցում կարեւոր է նաեւ Թուրքիայի իշխանություններից լրացուցիչ երաշխիքներ ստանալ, որ մեր հանգստացողների անվտանգության ապահովման ուղղությամբ արդյունավետ քայլեր կձեռնարկվեն՝ մանավանդ հաշվի առնելով Ստամբուլում կատարված վերջին ողբերգական իրադարձությունները»,- հայտարարել է Մեդվեդեւը, հայտնում է «ՌԻԱ նովոստին»:
Հիշեցնենք, որ նախօրեին ՌԴ նախագահ Վլադիմիր Պուտինն ու Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել: Թուրքիան վստահեցրել է, որ կանի ամեն ինչ, ինչ իրենից է կախված իր տարածքում ռուսաստանցիների անվտանգությունն ապահովելու համար: Պուտինը կառավարությանը հանձնարարել է չեղարկել Թուրքիայի նկատմամբ վարչական սահմանափակումները զբոսաշրջության ոլորտում:
