Շիրակի մարզում հուլիսի 1-ին ավտովթար է տեղի ունեցել, 3 մարդ տարբեր աստիճանի վնասվածքներով տեղափոխվել է հիվանդանոց:
Ոստիկանությունից NEWS.am-ին հայտնեցին, որ Ժամը 23:30-ի սահմանում Գյումրի քաղաքի Երեւանյան խճուղի թիվ 11 Ա շենքի դիմաց Գազ 31029 մակնիշի ավտոմեքենան բախվել է կայանված վիճակում գտնվող Daewoo մակնիշի բեռնատար ավտոմեքենային, ինչի հետեըւաքով այն առաջ է շարժվել ու բախվել մեկ այլ մեքենայի:
Վթարի հետեւանքով Գազ 31029 մակնիշի ավտոմեքենայի վարորդ Հ. Սարգսյանն ու ուղեւորներ, 40-ամյա Մարիամ Սարգսյանը եւ 36-ամյա Ֆլորա Սարգսյանը մարմնական վնասվածքներով տեղափոխվել են Գյումրու բժշկական կենտրոն:
Բժշկական կենտրոնից NEWS.am-ին հայտնեցին, որ տուժածները տարբեր կոտրվածքներ են ստացել: Նրանցից երկուսի վիճակը բավարար է, մեկինը՝ վարորդի կնոջինը, միջին ծանրության: Տուժածները Գյումրու «Յոթ վերք» եկեղեցու քահանան ու նրա ընտանիքի անդամներն են:
