Մարզական մեքենաներ արտադրող Morgan բրիտանական ընկերությունը EV3 եռանիվ էլեկտրամոբիլի արտադրությունը կսկսի հատուկ մոդիֆիկացիայից, որը պատրաստվել է լոնդոնյան Selfridges խանութի հետ միասին: Տարբերակը ստանալու է UK 1909 անվանումը՝, երկու ապրանքանիշների հիմնադրման տարեթվի պատվին, հայտնում է Motor–ը:
Նորույթը թողարկվելու է սահմանափակ քանակով՝ 19 մեքենա: Առայժմ հատուկ մոդիֆիկացիայի առանձնահատկություններից միայն այն է հայտնի, որ այն կունենա մինի բրոնզե ցուցանակ, որի վրա նշված է լինելու յուրաքանչյուր ավտոմեքենաի համարը, թափքի առջեւի մասում ճաղերը բրոնզագույն են լինելու, իսկ ինտերյերը՝ «բրիտանական լավագույն նյութերից»:
Morgan EV3 եռանիվի դեբյուտը այս տարվա մարտին էր՝ Ժնեւում մոտորշոուի ժամանակ: Ավտոմեքենան ուներ 62 ձիաուժ հզորության էլեկտրաշարժիչ՝ սառեցման հեղուկով ու 20 կիլովատ ժամ տարողությամբ մարտկոցների կոմպլեկտ: Նման ուժային սարքով մեքենան կկարողանա առանց լիցքավորման մոտ 240 կիլոմետր անցնել:
Հարյուր կիլոմետր ժամ արագությունը էլեկտրամոբիլը բացում է ինը վայրկյանում: Առավելագույն արագությունը 145 կմ/ ժ է: