Հուլիսին ոստիկանության տեսադաշտում էր հայտնվել մի 62-ամյա կոմպոզիտոր, որը մինչեւ վերջերս Մյունխենի երաժշտության ու թատրոնի ավագ դպրոցում էր դասավանդում:
Քննության վարկածով ինը տարի առաջ պրոֆեսորը ենթադրաբար մի կնոջ է բռնաբարել: Ըստ այդ կնոջ ցուցմունքների, ինքը ստիպված է եղել պրոֆեսորի հետ սեռական հարաբերություն ունենալ, քանի որ նա սպառնացել էր Երաժշտության ու թատրոնի ավագ դպրոցից հեռացնել նրա եղբորը, հայտնում է Life-ը:
Հետաքննության ընթացքում հարցաքննել են երեք տասնյակ վկաների: Իսկ երբ ոստիկանները խուզարկություն են սկսել պրոֆեսորի տանը, ուրիշ հանցագործություններ էլ են ջրի երես դուրս եկել: Նրա տանը գտել են գազի ատրճանակ ու թմրադեղեր՝ ամֆետամիններ ու կոկաին:
Բայց ամենաուշագրավը այն է, որ քննչական գործողությունների ընթացքում իրավապահները պրոֆեսորի տանը մի աղջկա են գտել: Նա հրաժարվել է ցուցմունք տալ: Բայց իրավապահները ինչ- որ թուղթ են գրել, որտեղ ամրագրված էր նրա օրվա գրաֆիկը, գրում է Bild–ը:
Այնտեղ ժամ առ ժամ գրված էր, թե երբ պետք է աղջիկը պարապմունքների հաճախի, ու երբ պետք է բավարարի պրոֆեսորի ու նաեւ այլ տղամարդկանց սեռական քմահաճույքները: Բացի դրանից նա ուներ նաեւ բնակարանը մաքրելու պարտականություններ: Ըստ ամենայնի՝ պատանի ուսանողուհին դասախոսի անձնական սեքս ստրկուհին էր:
Մինչդեռ դատապաշտպանը վստահորեն հերքում է բոլոր մեղադրանքները:
Նրա խոսքով՝ կինը, որին բռնաբարության գործով տուժած են համարում, պարտադրված սեքսով չի զբաղվել, այլ զգացմունքներ է տածել պրոֆեսորի նկատմամբ: Իրավաբանը նաեւ վստահ է, որ ուսանողուհին, որին գտել են դասախոսի տանը, ցուցմունք կտա նրա օգտին: Պրոֆեսորին հեռացրել են աշխատանքից: Սակայն պետք է նշել, որ սա Երաժշտության ու թատրոնի ավագ դպրոցի շուրջ առաջին սկանդալը չէ: Գարնանը նախկին ռեկտորին մեղավոր են ճանաչել սեռական ոտնձգությունների մեջ:
